telugu

Somayajulu in Shankara Naadasharirapara - Sankarabharanam

2011-11-29T23:29:00.000-08:00

Tulasi in Yeteerugalanu - Sankarabharanam

2011-11-29T23:28:00.000-08:00

అక్షరం తలదించుకున్న వేళ

2011-11-23T23:06:00.001-08:00

కొత్త నెలని గుర్తు చేస్తూ ఆ పత్రిక వచ్చింది. ఎప్పటిలాగే ఏముందా అని ఒక్కసారి పేజీలు తిప్పాను. సాధారణంగా పత్రిక రాగానే ఆసాంతం చదివేస్తాను. రాత్రి పడుక్కోబోయే ముందు చదవుతాను కదా అని ప్రతీ శీర్షికా ఓపిగ్గా చూడలేదు. రాత్రి చదువుదామని పుస్తకం తెరిచి సంపాదకీయం దగ్గరే ఆగిపోయాను. పేజీలు తిప్పానుకానీ, చదవబుద్ధి కాలేదు. అప్రయత్నంగా కళ్ళు చెమ్మ గిల్లాయి. మనసంతా
స్థబ్ధుగా అయిపోయింది. ఆ గదంతా విషాదం ఆవరించింది. గత అయిదేళ్ళుగా అప్రతిహతంగా అమెరికాలో వెలువడే ఒక పత్రిక ఇహ రాదన్న భావనే ఆ స్థితికి కారణం. అయిదేళ్ళ జన్మదిన సంచికే ఆఖరి సంచికగా మారిన ఆ పత్రిక తెలుగు నాడి. జంపాల చౌదరి గారి సంపాదకత్వంలో వస్తున్న ఆ పత్రిక వెనక ఎంతో మంది సాహితీకారులున్నారు. అందరూ కలిసి ఇన్నాళ్ళూ నడిపించారు.
కేవలం సంపాదకీయం చదివితేనే నా కిలా అనిపిస్తే, అది రాసిన వ్యక్తి పరిస్థితి ఊహించగలను. అది సంపాదకీయం కాదు. ఒక వీడ్కోలు. ఒక విషాదం. ఒక అయిష్ట నిష్క్రమణ. అయిదేళ్ళ శ్రమకి అర్థాంతరంగా ముగింపిస్తూ చేతులెత్తేసిన ఆవేదన. నీరు పోసి పెంచీ, పూలు పూస్తున్న మొక్కని స్వహస్తాలతో పెకలిస్తున్న బాధ. అది చదివి మనిషిగా బాధ పడ్డాను. తెలుగు వాడిగా సిగ్గుపడ్డాను. నన్ను చూసి అక్షరం
తలదించుకుంది.
కర్ణుడి మరణానికి సవాలక్ష కారణాలుండచ్చు కానీ, ఒక పత్రిక అర్థాంతరంగా ఆగిపోడానికి కారణం మాత్రం ఖచ్చితంగా పెట్టుబడే! అందునా అచ్చు పుస్తకానికి ఊపిరి డబ్బే! అది లేకపోతే ఎంత మంచి సాహిత్యమున్నా వెలుగు చూసే అవకాశముండదు. సభల్లోనూ, వేదికలెక్కీ తెలుగు భాషని బ్రతికించుకోవాలీ, కాపాడుకోవాలీ అంటూ ఊక ఉపన్యాసాలిచ్చే తెలుగు వారు ఎక్కువే! ముఖ్యంగా అమెరికాలాంటి దేశంలో
తెలుగు వారి గురించి కొత్తగా చెప్పనవసరం లేదు. అథమపక్షం ఊరికి రెండో మూడో తెలుగు సంఘాలుంటాయి. సాహిత్యమూ, సంస్కృతీ అంటూ గొంతెత్తి అరుస్తాయి. ఇండియాలో పత్రికల్లో ఫొటోలు వేయించుకుంటాయి. ఆహా, ఓహో అంటూ రాయించుకుంటాయి. అంతవరకే! అమెరికాలో ఒక తెలుగు పత్రిక ఇక్కడి ఇంగ్లీషు పత్రికలకి ధీటుగా ప్రచురింప బడుతోందీ, ఏడాదికి కేవలం 24 డాలర్లు మాత్రమే - పుస్తకం మీ ఇంటికి మెయిల్
చెయ్యబడుతుందని చెప్పినా ఎవరూ ముందుకు రారు. ఎందుకంటే తెలుగు వారికి పుస్తకాలు చదివే అలవాటు తక్కువ. ఉన్న కొద్ది మందీ పక్కవాడు పుస్తకం కొంటే తీరుబడిగా తిరగేస్తారు తప్ప, ఓ డాలరు ఖర్చు పెట్టి కొనరు. ఇదీ తెలుగువారి దౌర్భాగ్యం.
అమెరికాలో సుమారు రెండు లక్షల పై చిలుకు తెలుగు వారున్నారు. ఒక్క సిలికాన్ వేలీ లోనే డెబ్భై వేల మందున్నారు. కనీసం ఇందులో నాలుగో వంతు జనాభా ఈ తెలుగునాడి పుస్తకం కొన్నా, ఈ పత్రిక మూత పడే అవకాశం ఎంతమాత్రమూ రాదు. ఇహ వ్యాపార ప్రకటనలు. కనీసం వందమంది వ్యాపారవేత్తలు తలో చేయీ వేసినా చాలు. కానీ ఎవరూ ముందుకురారు. ఇహ తెలుగు సంఘాలూ అంతే! వేలకు వేలు ఖర్చు పెట్టి సినిమా వాళ్ళని
తెచ్చుకునే దాంట్లో పదోవంతయినా ఇలాంటి పత్రిక నిలపడానికి వెచ్చిస్తే ఈ పరిస్థితి రాదు.
తెలుగు వాళ్ళకి ఆత్మాభిమానం తక్కువ. మనది అన్న భావన లేదు. మన సాహిత్యమన్నఅభిమానం అంతకన్నా లేదు. దేశం మారినా పాత అలవాట్లు పోవు. మనస్తత్వం మారదు. నిజానికి ఏడాదికి 24 డాలర్లు అమెరికాలో ఉండే తెలుగు వారికేమంత ఎక్కువ కాదు. ఇక్కడా ఎక్కువా తక్కువా అనేకంటే మన భాష మీదా, సాహిత్యం మీదా మక్కువ లేదు. ఉన్నా అది ఉచితంగా కావాలి. ఇదీ తెలుగువారి సాహిత్యాభిమానం.
అమెరికా నుండి వెలువడే రీడర్స్ డైజస్ట్ నమూనాలో ఆంధ్రదేశంలో వచ్చే వివిధ పత్రికల్లో వచ్చిన మంచి వ్యాసాలూ, కథలూ ఏర్చి కూర్చి వేయడమూ, తెలుగు డయాస్పోరా కథలూ, వ్యాసాలూ ప్రచురించడమూ ఈ తెలుగునాడి చేస్తోంది. అన్ని వర్గాల పాఠకుల్నీ అలరిస్తూ పాత కొత్త సాహిత్యాల్ని పరిచయం చేస్తోంది. ముఖ్యంగా తెలుగు సినిమా వ్యాసాలు చక్కగా ఉంటాయి. సినిమా సమీక్షలు బావుంటాయి. బాల
సాహిత్యమంటూ రెండు మూడు పేజీలుంటాయి. అన్నిటికన్నా ముఖ్యం పత్రికకి వాడే పేపరు అత్యంత నాణ్యమైనది.
ఇలా ఎంతో వైవిధ్యంగా ఒక తెలుగు పత్రిక ప్రచురింపబడ్డం చూసి ప్రతీ తెలుగువాడూ గర్వ పడాలి. కానీ అలా లేదు. కనీసం వెయ్యి మంది చందాదార్లు కూడా లేరంటూ వాపోయే పరిస్థితొచ్చింది. పత్రిక మూతబడుతోంది. ఒక పుస్తకం అచ్చువేయడంలో చాలా శ్రముంటుంది. అది కాకుండా అచ్చువేయడానికి డబ్బు చాలకపోతే వచ్చే మానసిక శ్రమ మరింత కుంగతీస్తుంది. ఒక పత్రిక నడపడానికి సాహిత్య తపనొక్కటే చాలదు. తడి
కూడా కావాలి. అది లేకే తెలుగునాడి శలవు తీసుకుంటోంది.
అమెరికాలో నివాసముంటున్న తెలుగువారందరికీ ఒక విన్నపం. ఎవరైనా ( అంటే కొంతమంది వ్యక్తులైనా, సంఘాలయినా ) ముందుకొచ్చి ఈ తెలుగు నాడికి ఊపిరి పోయండి. అందులో నా వంతు నేనూ పాలుపంచుకుంటాను.

పదిమందికీ చెప్పండి.
ఒక తెలుగు పత్రిక అర్థాంతర నిష్క్రమణ్ణి ఆపించండి.
తెలుగక్షరం తలెత్తుకునేలా చూడండి.

నాకూ ఆదివారమొస్తుంది

2011-11-23T22:49:00.001-08:00

తెల్లవారితే ఆదివారం. మనసివాళనుంచే పిల్లిమొగ్గలెసేస్తోంది. తూనిగలా అటూ ఇటూ పరుగులు పెట్టేస్తోంది. ఎంచక్కా ఏడింటి వరకూ తలగడమంత్రాలు చదువుకోవొచ్చు... అనుకునే లోపు ఐదింటికే కనురెప్పల అలికిడి మొదలయ్యింది. అదేం మాయదారి నిద్దురో ఎప్పుడూ అదే అల్లరి శలవని ముందే తెలుసున్నట్ట్లు తనే ముందు శలవు ప్రకటించేస్తుంది తుంటరి సూరీడుపై అలిగినట్టుగా.. ఇక తప్పేదేముంది... మంచం దిగక చేసేదేముంది!!! అత్యంత ప్రీతిపాత్రమైన ఆ కాస్త కాఫీ గొంతులో ఒంపుకుని జనాభా అంతా లేచేలోపు కనీసం ఎనిమిదింటివరకైనా మనకోసం మనం బ్రతుకుదాం అనుకునేలోపు... టిఫిన్, వంట, పనిమనిషి (వస్తేనే...) ఆపై వాషింగ్ మెషిన్...

        రెండయింది. లంచ్ అయేసరికింకో గంట. ఆరేసిన బట్టలు తెచ్చి మడతలు పెట్టుకోవడం. ఇస్త్రీ బట్టలు సర్దుకోవడం. వారానికి సరిపడే కూరలు తెచ్చుకోవడం. దాంతో అయిపోయింది నాలుగు. ఆదివారం అనగానే పరుగులెత్తుకుంటూ వచ్చే అనౌచిత్య అతిధుల కోసమ్ ప్లాస్టిక్ నవ్వులు అతికించుకుంటూ అలసిన ఎద కన్నీళ్ళు పెట్టుకుంటుంటే ఓదార్చలేని తపనలు మదినిండా ముళ్ళై గుచ్చుకుంటుంటే... ఇంకేముందీ... సాయంత్రం వంటకి వేళయ్యింది. టీ వీ లో వచ్చే బ్లాక్ అండ్ వైట్ మూవీ చూడనీయని నెపోలియన్ కాలం నాటి క్రికెట్టులతో చీకటి చిక్కగా పరుచుకుంటుంది అచ్చం ఎదలో లానే.

        మరల ఓ గుప్పెడు మెతుకులు రోజూ లానే ఆదరా బాదరా తినేసి ఓ తిలక్ నో, ఓ ఠాగూర్ నో పలకరిద్దామనుకునే వీలు లేదు. పక్క పక్కనే కాపురాలయినా చుట్టాలు డిన్నర్ కి కూడా తయారు. మనసుకెక్కని కబుర్లతో భోజనాలయేసరికి రాత్రి 10:30. అలిసిన మనసు కనురెప్పలకు మాత్రం ఫెవికాలు అంటించినా మూతబడని కన్నులు... అస్సలు దరి చేరనీయని మెత్తని నిదురమ్మ ఒడి. మనసు ఆకలి తీరకుంది. అనవసర ఆలోచనల సుడిగుండాలు అర్ధంతరంగా వచ్చి పనున్నట్లు తిష్టేసేస్తున్నాయి. ఏం చెయ్యాలి ఏం చెయ్యాలి???

        అవును మరి ఎద దప్పికతో ఉంది. వినపడని రఫీ, కిషోర్ ల స్వరాలకై తపిస్తూ... కనపడని కృష్ణ శాస్త్రులనూ, అమృతం కురియని రాత్రులనూ తలుచుకుంటూ ఆలపించలేని గీతాంజలులకూ తెరువబడని గాలిభ్ గీతాలకూ మూతబడని మనసును నివేదిస్తూ తీరని ఆ కోరికలతో బాటే తీరికను కూడా మరుస్తూ... జీవించేస్తున్నాను... కాదు జీవిస్తున్నాననుకుంటూ బ్రతికేస్తున్నాను మళ్ళీ ఆదివారం ఉంది కదా అని ర్యాక్ లోని అక్షర సంపదను అక్కడే దాచిపెట్టుకుంటూ... గుండె పలికే గీతాలను మూసి ఉంచిన సీడీల్లో నిశ్శబ్దంగా వింటూ...

PLEASE TRY TO BE AN INDIAN.

2011-11-21T20:16:00.001-08:00

YOU CAN MAKE A HUGE DIFFERENCE TO THE INDIAN ECONOMY BY FOLLOWING FEW SIMPLE STEPS:-
Please spare a couple of minutes here for the sake of India.
I got this article from one of my friends, but it's true. I can see this in day to day life.
Here's a small example:-

Before 12 months 1 US $ = IND Rs 39
After 12 months, now 1 $ = IND Rs 50
Do you think US Economy is booming? No, but Indian Economy is Going Down.
Our economy is in your hands.... INDIAN economy is in a crisis. Our country like many other ASIAN countries, is undergoing a severe economic crunch. Many INDIAN industries are closing down. The INDIAN economy is in a crisis and if we do not take proper steps to control those, we will be in a critical situation.
More than 30,000 crore rupees of foreign exchange are being siphoned out of our country on products such as cosmetics, snacks, tea, beverages, etc... which are grown, produced and consumed here.
A cold drink that costs only 70 / 80 paisa to produce, is sold for Rs.9 and a major chunk of profits from these are sent abroad. This is a serious drain on INDIAN economy.
We have nothing against Multinational companies, but to protect our own interestsm we request everybody to use INDIAN products only atleast for the next two years. With the rise in petrol prices, if we do not do this, the Rupee will devalue further and we will end up paying much more for the same products in the near future.
What you can do about it?
1. Buy only products manufactured by WHOLLY INDIAN COMPANIES.
2. ENROLL as many people as possible for this cause.-....
Each individual should become a leader for this awareness. This is the only way to save our country from severe economic crisis. You don't need to give-up your lifestyle. You just need to choose an alternate product.
All categories of products are available from WHOLLY INDIAN COMPANIES.
LIST OF PRODUCTS
COLD DRINKS:-
DRINK LEMON JUICE, FRESH FRUIT JUICES, CHILLED LASSI (SWEET OR SOUR), BUTTER MILK, COCONUT WATER, JAL JEERA, ENERJEE, and MASALA MILK...
INSTEAD OF COCA COLA, PEPSI, LIMCA, MIRINDA, SPRITE
BATHING SOAP:-
USE CINTHOL & OTHER GODREJ BRANDS, SANTOOR, WIPRO SHIKAKAI, MYSORE SANDAL, MARGO, NEEM, EVITA, MEDIMIX, GANGA , NIRMA BATH & CHANDRIKA
INSTEAD OF LUX, LIFEBUOY, REXONA, LIRIL, DOVE, PEARS, HAMAM, LESANCY, CAMAY, PALMOLIVE
TOOTH PASTE:-
USE NEEM, BABOOL, PROMISE, VICO VAJRADANTI, PRUDENT, DABUR PRODUCTS, MISWAK
INSTEAD OF COLGATE, CLOSE UP, PEPSODENT, CIBACA, FORHANS, MENTADENT-.
TOOTH BRUSH: -
USE PRUDENT, AJANTA , PROMISE
INSTEAD OF COLGATE, CLOSE UP, PEPSODENT, FORHANS, ORAL-B
SHAVING CREAM:-
USE GODREJ, EMAMI
INSTEAD OF PALMOLIVE, OLD SPICE, GILLETE
BLADE:-
USE SUPERMAX, TOPAZ, LAZER, ASHOKA
INSTEAD OF SEVEN-O -CLOCK, 365, GILLETTE
TALCUM POWDER:-
USE SANTOOR, GOKUL, CINTHOL, WIPRO BABY POWDER, BOROPLUS
INSTEAD OF PONDS, OLD SPICE, JOHNSON'S BABY POWDER, SHOWER TO SHOWER
MILK POWDER:-
USE INDIANA, AMUL, AMULYA
INSTEAD OF ANIKSPRAY, MILKANA, EVERYDAY MILK, MILKMAID.
SHAMPOO:-
USE LAKME, NIRMA, VELVETTE
INSTEAD OF HALO, ALL CLEAR, NYLE, SUNSILK, HEAD AND SHOULDERS, PANTENE
MOBILE CONNECTIONS:-
USE BSNL, AIRTEL
INSTEAD OF HUTCH
Food Items:-
Eat Tandoori chicken, Vada Pav, Idli, Dosa, Puri, Uppuma
INSTEAD OF KFC, MACDONALD'S, PIZZA HUT, A&W
Every INDIAN product you buy makes a big difference. It saves INDIA. Let us take a firm decision today.
BUY INDIAN TO BE INDIAN - We are not against of foreign products.
WE ARE NOT ANTI-MULTINATIONAL. WE ARE TRYING TO SAVE OUR NATION. EVERY DAY IS A STRUGGLE FOR A REAL FREEDOM. WE ACHIEVED OUR INDEPENDENCE AFTER LOSING MANY LIVES.THEY DIED PAINFULLY TO ENSURE THAT WE LIVE PEACEFULLY. THE CURRENT TREND IS VERY THREATENING.
MULTINATIONALS CALL IT GLOBALIZATION OF INDIAN ECONOMY. FOR INDIANS LIKE YOU AND ME, IT IS RE-COLONIZATION OF INDIA. THE COLONIST'S LEFT INDIA THEN. BUT THIS TIME, THEY WILL MAKE SURE THEY DON'T MAKE ANY MISTAKES.
WHO WOULD LIKE TO LET A "GOOSE THAT LAYS GOLDEN EGGS" SLIP AWAY?
PLEASE REMEMBER- POLITICAL FREEDOM IS USELESS WITHOUT ECONOMIC INDEPENDENCE
RUSSIA, S.KOREA, MEXICO - THE LIST IS VERY LONG!! LET US LEARN FROM THEIR EXPERIENCE AND FROM OUR HISTORY.LET US DO THE DUTY OF EVERY TRUE INDIAN.
FINALLY, IT'S OBVIOUS THAT YOU CAN'T GIVE UP ALL OF THE ITEMS MENTIONED ABOVE. SO GIVE UP AT LEAST ONE ITEM FOR THE SAKE OF OUR COUNTRY!
We would be sending useless forwards to our friends daily. Instead, please forward this mail to all your friends to create awareness.
"LITTLE DROPS MAKE A GREAT OCEAN."PLEASE TRY TO BE AN INDIAN.....

Dr C.Narayana Reddy Openheart with RK

2011-11-20T06:22:00.000-08:00

Dana Veera Sura Karna - Dialogue 02 - Maya Sabha Scene / Panchali Pancha...

2011-11-20T02:53:00.000-08:00

emantivi emantivi jaati nepamuna dialogue in danaveerasurakarna

2011-11-20T02:52:00.002-08:00

Telugu padyalu

2011-11-20T02:52:00.001-08:00

neevena nanu pilachinadi song in ntr mayabazar

2011-11-20T02:52:00.000-08:00

Beauty of Andhra : Andhra Pradesh Theme Song

2011-11-15T02:36:00.000-08:00

I love Andhra pradesh.

SuttiVeerabhadraRao_comedy2.avi

2011-11-14T03:48:00.000-08:00

2011-11-06T07:40:00.000-08:00

తెలుగు భాషా గురుంచి ,దాని గొప్పతనం గురించి తెలిపే బ్లాగు .ఈ http://telugaksharam.blogspot.com/

బ్లాగు నిర్లక్ష్యమైనది కానీ, నిర్జీవం కాదు

2011-11-06T05:28:00.001-08:00

ఎవరూ ఇక్కడ ఏమీ చదవట్లేదనుకున్నా. పొరపాటే! మొననే ఎవరో చదువుతున్నారని చెప్పితేను, సరే మళ్ళీ ఇక్కడే పోస్టు చెయ్యడం పునఃప్రారంభిద్దామని నిశ్చయించుకున్నాను.

తెలుగు మీద మమకారం తో బ్లాగ్ చేయడం మొదలు పెట్టాను.

నా పేరు ప్రవిదా.నేను పూర్తి M.C.A చేసి జాబ్ వెతుకుతున్నాను .ప్రస్తుతం హైదరాబాద్ లో ఉంటున్నాను

తెలుగు తల్లిపై ప్రేమ, మమకారం తగ్గక, ఇంకా పెరిగినట్టు అనిపిస్తోంది. భాషాశాస్త్ర విషయాలపై మరింత విషయాలూ, విశేషాలతో మీముందు మళ్ళీ వుంటాను.

జంధ్యాల గురించి

2011-11-06T05:15:00.000-08:00

జంధ్యాల తెలుగు సినిమా రచయిత, దర్శకుడు. జంధ్యాల అని ఇంటిపేరుతోటే సుప్రసిద్ధుడైన ఇతని అసలుపేరు జంధ్యాల వీర వెంకట దుర్గా శివ సుబ్రహ్మణ్య శాస్త్రి. ప్రత్యేకించి హాస్యకథా చిత్రాలు తీయటంలో ఇతనిది అందె వేసిన చెయ్యి. జంధ్యాల చెప్పిన ప్రసిద్ధ వాక్యం - నవ్వడం ఒక భోగం, నవ్వించడం ఒక యోగం, నవ్వకపోవడం ఒక రోగం

జీవిత విశేషాలు

జంధ్యాల 1951 జనవరి 14 న పశ్చిమ గోదావరి జిల్లా నరసాపురంలో జన్మించాడు. బి.కామ్ వరకు చదువుకున్నాడు. చిన్నతనం నుండీ నాటకాల పట్ల ఆసక్తిగా ఉండేవారు. స్వయంగా నాటకాలు రచించాడు. ఆయన రాసిన నాటకాల్లో ఏక్ దిన్ కా సుల్తాన్, గుండెలు మార్చబడును ప్రముఖమైనవి. ఆయన నాటకాలు అనేక బహుమతులు అందుకున్నాయి.

1974 లో జంధ్యాల సినిమా రంగ ప్రవేశం చేసాడు. శంకరాభరణం, సాగరసంగమం, అడవిరాముడు, వేటగాడు వంటి అనేక విజయవంతమైన సినిమాలకు మాటలు రాశాడు. ముద్దమందారం సినిమాతో దర్శకుడిగా మారి, శ్రీవారికి ప్రేమలేఖ వంటి చిరస్మరణీయ చిత్రాన్ని సృజించాడు.

జంధ్యాల 2001 జూన్ 19 న హైదరాబాదులో గుండె పోటుతో మరణించాడు. ఆయనకు ఇద్దరు కూతుర్లు. వారి పేర్లు సాహితి, సంపద.

సినిమా ప్రస్థానం

మాటల రచయితగా తన సినిమా జీవితం మొదలుపెట్టిన జంధ్యాల, మంచి రచయితగా పేరు తెచ్చుకున్నాడు. తరువాతి కాలంలో దర్శకుడిగా అవతారమెత్తి, అనేక హాస్యచిత్రాలను రూపొందించాడు. ఆరోగ్యకరమైన హాస్యానికి జంధ్యాల పేరుగాంచాడు. హాస్యబ్రహ్మ అని పేరుపొందాడు.

జంధ్యాల చెణుకులు

§ ఇంటిపేరుతోటే ప్రసిద్ధుడైన జంధ్యాలను మీ అసలు పేరు ఏమిటి అని అడిగితే ఆయన ఇలా అనేవాడు: "నేను రామానాయుడి గారి సినిమాకు పనిచేసేటపుడు నాపేరు జంధ్యాల రామానాయుడు, విశ్వనాథ్ గారి సినిమాకు పనిచేసేటపుడు నా పేరు జంధ్యాల విశ్వనాథ్..." అలా అనేవాడు తప్ప, తన అసలుపేరు ఎక్కడా చెప్పుకోలేదు. జంధ్యాల అసలు వేరు జంధ్యాల వీర వెంకట దుర్గా శివ సుబ్రహ్మణ్య శాస్త్రి.

§ హాస్యం గురించి ఆయన ఇలా అనేవాడు: "నవ్వడం ఒక యోగం, నవ్వించడం ఒక భోగం, నవ్వలేకపోవడం ఒక రోగం"

అవార్డులు

జంధ్యాలకు లభించిన కొన్ని అవార్డులు:

- 1983, "ఆనంద భైరవి" చిత్రానికి ఉత్తమ ప్రాంతీయ చిత్రం దర్శకుడు జాతీయ అవార్డు

- 1983, "ఆనంద భైరవి" చిత్రానికి ఉత్తమ దర్శకుడు నంది అవార్డు

- 1987, "పడమటి సంధ్యారాగం" చిత్రానికి ఉత్తమ కధారచయిత అవార్డు

- 1992, "ఆపద్బాంధవుడు" చిత్రానికి ఉత్తమ మాటల రచయిత అవార్డు

జంధ్యాల పరిచయం చేసిన నటీనటులు

జంధ్యాల తన సినిమాల ద్వారా అనేకమంది నటులను సినిమా రంగానికి పరిచయం చేసాడు. వారిలో కొందరు:

§ బ్రహ్మానందం

§ నరేష్

§ ప్రదీప్

§ సుత్తి వీరభద్రరావు

§ సుత్తి వేలు

జంధ్యాల వ్రాసిన కొన్ని సినీ సంభాషణలు

వివాహ భోజనంబు చిత్రం నుంచి

మట్టి పూసుకొని ఉన్నపుడు బ్రహ్మానందం సంభాషణ--(ఏడుపు గొంతుతో) ఈ చెమ్మంతా ఇగిరేలోపు మన కళ్ళు చెమ్మగిల్లుతాఏమో మహాప్రభో. ఇట్లా మనల్ని ఎవరు చూసినా ప్రమాదమే . జూవాళ్ళు చూస్తే వాళ్ళ కోతులు తప్పించుకొచ్చాయని పట్టుకెళ్ళి పోతారు. జనమెవరయినా చూస్తే ఇతర గ్రహాలనుండి వచ్చారనుకొని రాళ్ళుచ్చుక్కొడతారు... (ఆశగా ) ఇంక ఎంచక్కా కడిగేసుకుందామా మహాప్రభో.

వేటగాడు చిత్రం నుంచి

రావుగోపాలరావు, సత్యనారాయణతో -రాజా ప్రియురాలు రోజా మేజా బల్ల మీదికెక్కి కాజాలు తింటూ నీ వీపు మీద బాజాలు బాదుతోంటే నువ్వేంచేస్తున్నావురా కూజా" అన్నప్పుడు సత్యనారాయణ చిన్నబుచ్చుకున్న కోపంతో రావుగోపాలరావు ప్రాసల బలం ఎంతుందో చూపమంటాడు. అప్పుడు రావుగోపాలరావు - " రాజుగారి పెద్ద కొడుకు బెస్టుగా పస్టు క్లాసులో పాసయ్యాడని, బావుండదని గెస్టుగా పీస్టుకి పిలిచి, హోస్టుగా నేనుండి సపర్యలు చేస్తోంటే, సుస్టుగా భోంచేసి, పొద్దున్నే లేచి మన పేస్టుతోనే పళ్లు తోంకుని, ఉడాయించాడు భ్రస్టు వెధవ" అన్నప్పుడు ఇదంతా విని రొప్పుతున్న సత్యనారాయణని చూసి - " ఇంకా విసరమంటావా నా మాటల తూటాలు" అంటాడు.

జంధ్యాల సినిమాలు

దర్శకునిగా

సినిమా	తారాగణం	విడుదల తేది
ముద్ద మందారం	ప్రదీప్, పూర్ణిమ	1981
మల్లె పందిరి	విజ్జి బాబు, జ్యోతి, యస్.పి.బాల నుబ్రమణ్యం	1982
నాలుగు స్తంభాలాట	నరేష్, ప్రదీప్, పూర్ణిమ, తులసి	15-5-1982
నెలవంక	రాజేష్, గుమ్మడి, జే.వి.సోమయాజులు	25-1-1983
రెండుజెళ్ళ సీత	నరేష్, ప్రదీప్, రాజేష్, సుభాకర్, మహాలక్ష్మి	30-3-1983
అమరజీవి	అక్కినేని నాగేశ్వరరావు, జయప్రద	19-8-1983
మూడు ముళ్ళు	చంద్రమోహన్, రాధిక, గీత	-9-1983
శ్రీవారికి ప్రేమలేఖ	నరెష్, పూర్ణిమ	2-3-1984
ఆనంద భైరవి (తెలుగు & కన్నడం)	గిరీష్ కర్ణాడ్, మాళవిక	-4-1984
రావు - గోపాలరావు	రావు గోపాలరావు, చంద్రమోహన్, ముఛ్ఛర్ల అరుణ	1984
పుత్తడి బొమ్మ	నరేష్, పూర్ణిమ, ముఛ్ఛర్ల అరుణ	1985
బాబాయ్ అబ్బాయ్	బాలకృష్ణ, అనితా రెడ్డి, సుత్తి వీరభద్ర రావు	8-2-1985
శ్రీవారి శోభనం	నరేష్, అనితా రెడ్డి	1985
మొగుడు పెళ్ళాలు	నరేష్, భానుప్రియ	5-8-1985
ముద్దుల మనవరాలు	భానుమతి, సుహాసిని, జయసుధ, చంద్రమోహన్, శరత్ బాబు	1985
రెండు రెళ్ళు ఆరు	రాజేంద్ర ప్రసాద్, చంద్రమోహన్, రజని, ప్రీతి	11-1-1986
సీతారామ కళ్యాణం	బాలకృష్ణ, రజిని	18-4-1986
చంటబ్బాయి	చిరంజీవి, సుహాసిని	22-8-1986
పడమటి సంధ్యారాగం	విజయశాంతి, టామ్, గుమ్మలూరి శాస్త్రి	11-4-1987
రాగలీల	రఘు, సుమలత, తులసి, సంధ్య	4-6-1987
సత్యాగ్రహం	చల్లా రామకృష్ణా రెడ్డి, సరిత, గుంటూరు శాస్త్రి	1987
అహ నా పెళ్ళంట	రాజేంద్ర ప్రసాద్, రజని	27-11-1987
చిన్ని కృష్ణుడు	రమేష్, కుషుబూ, శరత్ బాబు	-4-1988
వివాహ భోజనంబు	రాజేంద్ర ప్రసాద్, అశ్విని	-4-1988
నీకు నాకు పెళ్ళంట	డా.రాజశేఖర్, అశ్వని	8-1988
చూపులు కలసిన శుభవేళ	నరేష్, మోహన్, అశ్వని, సుధ	7-10-1988
హై హై నాయకా	నరేష్, శ్రీ భారతి	23-2-1989
జయమ్ము నిశ్చయమ్మురా	రాజేంద్ర ప్రసాద్, సుమలత, చంద్రమోహన్, అవంతి	6-7-1989
లేడీస్ స్పెషల్	సురేష్, వాణీ విశ్వనాథ్, రశ్మి, సుత్తివేలు	1991
బావా బావా పన్నీరు	నరేష్, రూపకళ	9-8-1991
ప్రేమ ఎంత మధురం	నరేష్, మయూరి	6-9-1991
విచిత్రప్రేమ	రాజేంద్ర ప్రసాద్, అమృత	1991
బాబాయి హోటల్	బ్రహ్మానందం, కిన్నెర	5-6-1992
ప్రేమా జిందాబాద్	రాజేంద్ర ప్రసాద్, ఐశ్వర్య, సుభలేఖ సుధాకర్	-
అ ఆ ఇ ఈ	వరుణ్ రాజ్, అచ్యుత్, విజయ్ కుమార్	-
ష్ గప్‌చుప్	వరుణ్ రాజ్, భానుప్రియ	12-5-1994
ఓహో నా పెళ్ళంట	హరీష్, సంఘవి	20-3-1996
విచిత్రం	గజల్ శ్రీనివాస్, చంద్రశ్రీ, శ్రీ హర్ష, చార్మి	6-11-1999

రచయితగా

§ నారీ నారీ నడుమ మురారి

§ అడవి రాముడు

§ వేటగాడు

§ రహస్య గూఢచారి

§ సీతాకోక చిలుక

2011-11-06T04:18:00.002-08:00

స్త్రీలు జుట్టు విరబోసుకోరాదంటారు ఎందుకు?

జుట్టు విరబోసుకుని తిరగడం నేడు ఓ ఫ్యాషన్ అయిపోయింది. అయితే మన ఆచార, సాంప్రదాయాల ప్రకారం జుట్టు విరబోసుకోకూడదు. జుట్టు ముడివేసుకుని సువాసన గల పూలు ధరించడం పుని స్త్రీల ఆచారం. పువ్వులకు సుమనస్సులు అని పేరు. వాటి సువాసన వలన మనస్సుకు ప్రశాంతత లభిస్తుంది.

అసలు వెంట్రుకలు, గోళ్లు మన పాపాలకు ప్రతీకలు. అందుకే శ్రీ వేంకటేశ్వర స్వామికి తల నీలాలిచ్చి పాప ప్రక్షాళన చేసుకుంటాం. సహజంగా స్త్రీలలో ఏదేని విషయం పట్ల పట్టుదల పెరిగితే జుట్టు ముడి వేసుకోమని పట్టుపడతారు. ద్రౌపది, దుశ్శాసనుడు తన జుట్టుపట్టుకు గుంజాడన్న రోషంతో ద్రౌపది ఆనాడు జుట్టు విరబోసుకుంది. కనుక అట్టి కార్యాన్ని రోజువారి చేయకూడదంటోంది శాస్త్రం.

గంగానది పుణ్య నదులలో స్నానం చేసే ముందు స్త్రీలు, పురుషులు తమ జుట్టు, గోళ్లు తీయించుకుని నీళ్లలో పడవేయడం, తండ్రి తాతలు మరణిస్తే జుట్టు తీయించుకోవడం మొదలైన ఆచారాల ఆంతర్యమిదేనంటారు.

2011-11-06T04:18:00.000-08:00

పెళ్లిలో వధువు కాలి బొటన వ్రేలు తొక్కిస్తారెందుకు...?

మన శరీరాలు నరాల పుట్టలు. ఈ నరాల ద్వారా విద్యుత్తు ప్రవహిస్తుంటుంది. ఋణ, ధన విద్యుత్తున్న భాగంతో విద్యుత్తు ప్రవహిస్తూ ఉంటుంది. పాజిటివ్ మరియు నెగిటివ్ విద్యుత్తులు రెండూ కలిస్తేనే విద్యుత్తు పుడుతుంది కదా. అంటే అక్కడితో విద్యుత్ ప్రవాహం ఆగిపోతుందన్నమాట.

వరుడు కుడికాలి బొటనవ్రేలితో వధువు బొటనవ్రేలిని తొక్కిస్తే వారిద్దరిలో ప్రవహించే విద్యుత్తు కలిసి ఇద్దరూ ఒకటవుతారు. ఒకరి తలపై ఒకరు జీలకర్ర పెట్టించడం, ఏడడుగులు నడవడం... ఇత్యాది ప్రక్రియలన్నీ ఇద్దరినీ కలిపి ఒకటిగా చేయడం కోసమే.

అందుకే పైకి వారిద్దరుగా కనబడుతున్నా.... మానసికంగా, ఆలోచనాపరంగా ఒక్కటే. లెక్కల్లో 1+1=2. కానీ భార్యాభర్తల లెక్కల్లో 1+1=1. అప్పుడే ఆదర్శవంతమైన జంటగా ఉంటారు.

కుటుంబ సంక్షేమం... స్త్రీ నుదుటి సిందూరం

2011-11-06T04:17:00.000-08:00

కనుబొమల నడుమ ఎర్రని బొట్టు పెట్టుకోవడం హైందవ సంప్రదాయం. ఇంటికి వచ్చిన ఏ ముత్తయిదువకైనా బొట్టుపెట్టి పంపడం మన ఆచారం. పాపిడ నడుమ ధరించే ఈ సిందూరం పెళ్లయిందని చప్పడానికి ప్రధాన సూచిక. మేష భగవానుడు అంగారకుడు. అతని రంగు ఎరుపు. ఇది చాలా శుభప్రదమైనదిగా భావిస్తారు. అందువల్లనే ఎర్రని సిందూరాన్ని నుదుటిపైన, పాపిట మధ్యలో ధరిస్తారు.

ఈ రెండూ సౌభాగ్య చిహ్నాలే. పార్వతి, సతీల స్త్రీ శక్తి చిహ్నంగా కూడా సిందూరాన్ని పరిగణిస్తారు. ఎర్రటి రంగు ఆమె ప్రవేశంతో సంపద చేకూర్చుతుందనీ, స్త్రీ ధరించే సిందూరం కుటుంబ సంక్షేమాన్ని, సంతానాన్ని పరిరక్షిస్తుందని విశ్వాసం.

పురుషులు కూడా నుదుట తిలకం ధరించే సంప్రదాయం ఉంది. ఏదైనా మత సంబంధిత కార్యక్రమాలకు, పెళ్లిళ్లవంటి శుభకార్యాలలో ఈ విధంగా తిలకం ధరిస్తారు. మత సంబంధిత సందర్భాలలో వారు తమ కొలిచే దైవాన్ని అనసరించి తిలకం ఆకృతి ఉంటుంది.

విష్ణు భక్తులు "U" ఆకృతిలో తిలకం పెట్టుకుంటే, శైవ భక్తులు మూడు అడ్డగీతలతో దిద్దుకుంటారు. బొట్టు పెట్టుకునే చోట అగ్యచక్ర లేదా ఆధ్యాత్మిక లేదా మూడో నేత్రం ఉంటుందని చెపుతారు. ఇది ప్రధాన నాడీ కేంద్రం. అనుభవాలన్నీ కలగలిపి ఒకేచోట కేంద్రీకరించే బిందువు ఇది.

ఈ ప్రదేశానికి చల్లని ప్రభావం ఉంటుంది. బొట్టు ఆధ్యాత్మిక సౌకర్యాన్ని చేకూర్చి పెట్టడమే కాకుండా దురదృష్టం, దుష్ట శక్తులు దరిచేరకుండా సంరక్షిస్తుందని విశ్వాసం.

2011-11-06T04:16:00.000-08:00

తెలుగు సంవత్సరములు

తెలుగు సంవత్సరములు 60.

1. ప్రభవ…………..1987-88

2. విభవ………………88-89

3. శుక్ల………………..89-90

4. ప్రమోదూత……….90-91

5. ప్రజోత్పత్తి………….91-92

6. అంగీరస……………92-93

7. శ్రీముఖ…………….93-94

8. భావ………………..94-95

9. యువ………………95-96

10. ధాత……………….96-97

11. ఈశ్వర……………..97-98

12. బహుధాన్య……….98-99

13. ప్రమాది…………….99-2000

14. విక్రమ………….2000-01

15. వృష…………………01-02

16. చిత్రభాను…………..02-03

17. స్వభాను……………03-04

18. తారణ………………04-05

19. పార్ధివ……………….05-06

20. వ్యయ……………….06-07

21. సర్వజిత్తు……………07-08

22. సర్వధారి……………08-09

23. విరోధి………………..09-10

24. వికృతి………………..10-11

25. ఖర……………………11-12

26. నందన……………….12-13

27. విజయ……………….13-14

28. జయ………………….14-15

29. మన్మధ……………….15-16

30. దుర్ముఖి……………..16-17

31. హేవిళంబి……………..17-18

32. విళంబి…………………18-19

33. వికారి…………………..19-20

34. శార్వరి………………….20-21

35. ప్రవ………………………21-22

36. శుభకృతు………………22-23

37. శోభకృతు………………..23-24

38. క్రోధీ……………………….24-25

39. విశ్వావసు……………….25-26

40. పరాభవ………………….26-27

41. ప్రవంగ…………………….27-28

42. కీలక………………………28-29

43. సౌమ్య…………………….29-30

44. సాధారణ………………….30-31

45. విరోధికృతు……………….31-32

46. పరీధావి……………………32-33

47. ప్రమాదీచ………………….33-34

48. ఆనంద…………………….34-35

49. రాక్షస………………………35-36

50. నల…………………………36-37

51. పింగళ………………………37-38

52. కాలయుక్తి…………………38-39

53. సిధార్థ………………………39-40

54. రౌద్రి…………………………40-41

55. దుర్మతి……………………..41-42

56. దుందుభి……………………42-43

57. రుధిరోద్గారి…………………..43-44

58. రక్తాక్షి…………………………44-45

59. క్రోధన…………………………45-46

60. అక్షయ……………………….46-47

2011-11-06T04:14:00.001-08:00

మన తెలుగును కాపాడుకోవడమెలా?

భాషను కాపాడుకోవడం, భాషలో అభివ్యక్తి నైపుణ్యాలు పెంచుకోవడం, భాషను బోధనభాషగా, పరిపాలనా భాషగా మార్చుకోవడం వంటివి ఈ కాలంలో సాధ్యమయ్యే అంశాలేనా? ఎవరో ఒకరు వీటిని పట్టించుకోకపోతే ముందుతరాలకు ఈ సంస్కృతి, సాహిత్యం అందేదెలా? ప్రతి కాలంలోనూ ఈ అంశాలపై చర్చ జరుగుతూనే ఉంటుంది. గిడుగు పిడుగులా గ్రాంధిక భాషావాదులపై విరుచుకుపడితేనే వ్యావహారిక భాషోద్యమం వచ్చింది. దాని ఫలాలే మనం అనుభవిస్తున్నాం. భాష ఆయా కాలాల్లో, ఆయా ప్రజల కాంక్షలకు అనుగుణంగా మారుతూ ఉంటుంది. ఈ అంశాలపై తెలుగు అకాడమీ పూర్వ సంచాలకులు డా. వెలిచాల కొండలరావు ఇటీవల ఎంతో కృషిచేశారు. ఈ అంశాలపై అందర్నీ చైతన్యపరచేందుకు ప్రయత్నం చేస్తున్నారు. ఈ మూడు అంశాలపై ఆయన మనోభావాలు, అభిప్రాయాలు ఎలా ఉన్నాయో చూద్దాం.

తెలుగును కాపాడుకోవడం ఎలా?

ఏ భాష అయినా ఆ భాష మాట్లాడేవారికి ఒక సంస్కారాన్ని, ఒక సంస్కృతిని, వాటికి సంబంధించిన విలువలను అందిస్తుంది. ఆ విలువలు, విశ్వాసాలు మఖలో పుట్టి పుబ్బలో పతనమయ్యేవికావు. అవి ఆ ప్రజల నరనరాల్లో జీర్ణించుకొని ఉంటాయి. భాష అనేది ఒక జాతి వ్యక్తిత్వానికి, అస్తిత్వానికి ప్రతినిధిగానే ఉంటుంది. అది నిత్యస్రవంతి. ఎప్పటికప్పుడు అత్యంత ఆధునికంగా మారే గుణం కూడా దానికి ఉంటుంది. అందువల్ల మన భాషను మనం కాపాడుకుంటూనే ఇంగ్లిషు వంటి భాషల్ని నేర్చుకోవాలేకానీ, మన భాషని విస్మరించి కాదు. మన భాషను మనం మాట్లాడలేకపోతే, దానిలో అభిప్రాయాలు వ్యక్తీకరించలేకపోతే అంతకన్నా నష్టం మరొకటి లేదు. ఏ పరాయి భాషనైనా నేర్చుకొని అందులో అందరూ మెచ్చేలా వ్యక్తీకరించేవారు తమ భాషపై కూడా వారు పట్టు సాధించే ఉంటారన్న వాస్తవాల్ని గ్రహించాలి. ఇంగ్లిషు భాషని మనం ఎంతగా నేర్చుకున్నా, ఇంగ్లిషు భాష మాతృభాషగా ఉన్నవారు మాట్లాడినట్లు మాట్లాడ్డం, వాళ్ళు రాసినట్లు రాయడం, అతికొద్ది మందికి తప్ప అందరికీ సాధ్యంకాదు. ఈ దేశంలో రెండు విధాలైన ఛాందస వాదులున్నారు. కేవలం ఇంగ్లిషు మాత్రమే కావాలనే వారు, లేదా తెలుగు మాత్రమే కావాలనేవారు. రెండు వర్గాల వాదనలూ అప్రస్తుతమే. ఆ వాదాలు అసమంజసం. ఈ కాలానికి విరుద్ధం ఇంగ్లిషు భాష బతుకు తెరువుకోసం ఎంతైనా అవసరమే. అలాగే మన భాష, సంస్కృతి, ఆత్మగౌరవం, దేశీయత, ఆత్మ విశ్వాసం, వ్యక్తిత్వం నిలవాలంటే తెలుగు కూడా ఉండాల్సిందే. అందువల్ల-

* తెలుగుకు ఇంగ్లీషుకు సమానస్థాయి కల్పించాలి.

* చిన్న తరగతుల్లో తెలుగు ద్వారా ఇంగ్లిషు నేర్చుకొనే విధానాన్ని ప్రోత్సహించాలి.

* ఉభయ భాషా ప్రవీణులను తయారుచేసేలా కోర్సులు రూపొందించాలి.

* ఇతర రాష్ట్రాల్లో అమలుచేస్తున్నట్లు తెలుగు మీడియంలో చదివిన వారికి ఉద్యోగాల్లో రిజర్వేషన్‌ సదుపాయాలు కల్పించాలి.

బోధనభాష X పరిపాలనా భాష

ఏ భాషకైనా పరిపాలనా భాషగా అమలుచేయాలంటే ఆ భాష మామూలు భాషగానే కాక సకల వ్యవహారాలకు ఉపయోగపడే భాషగా కూడా ఉండాలి. అంటే 'పరిభాష' అన్నమాట. ఇంకా విపులంగా చెప్పుకోవాలంటే ఆ భాష అన్నిరంగాలకు, వృత్తులకు, విషయాలకు, పనులకు వర్తించే భాషగా ఉండాలి.

* మామూలు భాష అంటే అక్షరాస్యులు, నిరక్షరాస్యులు, విద్యాధికులు కానివారు కూడా మాట్లాడగలిగేది, అర్థం చేసుకోగలిగేది అన్నమాట.

* పరిభాష అంటే- చాలావరకు విద్యల ద్వారా, విద్యాలయాల ద్వారా నేర్చుకోవలసిన భాష. ఇంకా అనేక శాస్త్రాలు, చట్టాలు అన్నీ ఇంగ్లిషులోనే ఉన్నాయన్నది వాస్తవం.

* తెలుగుభాష ప్రస్తుతం పరిపాలనా భాషగా మారాలంటే ముందు దాన్ని అన్ని అవసరాలకు వాడుకోవాలి. కానీ చిత్రమేమిటంటే ఇప్పటికీ తెలుగును ఉన్నతావసరాలకు వాడడంలేదు. ప్రభుత్వం తన సంప్రదింపులు, కార్యకలాపాలన్నీ ఇంగ్లిషులోనే సాగిస్తోంది. న్యాయవస్థ సైతం ఇంగ్లిషునే వాడుతోంది- ఇది కొన్ని ఉదాహరణలు మాత్రమే.

* తెలుగు పరిపాలన భాష అయితేనే కానీ బోధన భాషగా ఆదరణ పొందలేదు. బోధన భాష అయితేనే కానీ పరిపాలన భాష కాలేదు. రెండూ పరస్పరం ఒకదానిమీద మరొకటి ఆధారపడి ఉన్నాయి. తెలుగు బోధనభాష అయితేనే తప్ప పరిపాలనా భాష కాలేదు.

* మన రాష్ట్రాన్ని భాషాప్రయుక్త రాష్ట్రంగా ఏర్పరచుకొన్నపుడే తెలుగు ఈ రాష్ట్రానికి పాలన భాష, బోధనభాష అవుతుందని ఆశించాం. కానీ ఇన్నేళ్లు గడచిపోయినా ఆ దిశగా సాధించింది మాత్రం చాలా స్వల్పం.

* ఇంగ్లిషు భాష రాకపోతే అభివృద్ధి లేదనేవారు కొన్ని విషయాలు గుర్తించాలి. జపాన్‌, చైనా, ఫ్రాన్స్‌, రష్యా, జర్మనీ, కొరియా... ఈ దేశాలన్నీ ఇప్పటికీ తమ మాతృ భాషల్లోనే బోధన, పాలన సాగిస్తున్నాయి. మరి అవి అభివృద్ధి చెందలేదనగలమా?

* ఇంగ్లిషు భాష నేర్చుకోకపోతే విదేశాల్లో ఉద్యోగాలు దొరకవనడానికి విదేశాల్లో ఉద్యోగాలు పొందుతున్న వారి శాతం ఎంత? సగటు ఉద్యోగాల్లో స్వల్పశాతమే! మరి ఇంగ్లిషు పట్ల మక్కువ, సొంత భాషపట్ల తిరస్కారం దేనికి?

* దక్షిణాది రాష్ట్రాల్లో కర్ణాటక, తమిళనాడు, కేరళల్లో వారు వారి భాషల పట్ల చూపుతున్న మక్కువ, దీక్ష, అంకితభావం మనలో ఎందుకు కొరవడ్డాయి? ఇది తక్షణం ఆలోచించాల్సిన విషయం. అంతేకాదు సరిదిద్దుకోవలసినది కూడా.

* అభివృద్ధి కౌశలాలు (కమ్యూనికేషన్‌ స్కిల్స్‌) అనగానే ఇంగ్లిషు భాషలో మాట్లాడ్డం వంటివేనా? తెలుగులో మాట్లాడ్డం, రాయడం, ప్రదర్శించడం అవసరంలేదా?

* తెలుగును బోధన భాషగా, పరిపాలనా భాషగా చేయడానికి ప్రభుత్వంతోపాటు అన్ని సంస్థలు, మేధావులు కంకణం కట్టుకోవాలి.

భాషా సాహిత్యాలు, అభివ్యక్తి నైపుణ్యాలు

కమ్యూనికేషన్‌ స్కిల్‌ అనేది తెలుగులో కూడా అవసరం అన్నది అందరూ గుర్తించాలి. తెలుగు భాష, దాని స్వరూపం, వ్యాకరణం, ఛందస్సు వంటివి తెలిసి, తెలుగులో సుప్రసిద్ధుల రచనలు చదివినపుడు తప్పక కౌశలం కలుగుతుంది. అప్పుడే భాషను సవ్యంగా వాడడం అలవడుతుంది. అంతేకానీ భాషలో మాట్లాడగలిగేంత పరిజ్ఞానం మాత్రమే ఉంటే అభివ్యక్తి నైపుణ్యం కలగదు. ఈ రోజు వివిధ మీడియాల్లో ఉన్నవారు పైపై మాటలతో పబ్బం గడుపుకొంటున్నా దీర్ఘకాలం వారు అందులో రాణించలేరు. అంటే భాషానైపుణ్యం సాధించాలనుకొనేవారు 'సాహిత్యభాష'ను అలవరుచుకోవాలి. సాహిత్యభాష అంటే అలంకారాలు, ఉపమానాలు, ఉత్ప్రేక్షలు, సాహిత్యంలోంచి సూక్తులు, పద్య, గేయ భాగాలు, సామెతలు, పలుకుబడులు, ప్రతీకలు, నానుడులు వంటివి ఉదహరించగల శక్తియుక్తులు కలిగించే భాష. ఆ శక్తి యుక్తులున్నవారే తమ మాటలు, ఉపన్యాసాలు, వ్యాఖ్యానాల ద్వారా ప్రజల్ని ఆకట్టుకోగలరు.

మన సంక్రాంతి !!!!!!!!!

2011-11-04T08:20:00.000-07:00

ముందుగా బ్లాగు ప్రేక్షకులకు సంక్రాంతి శుభాకాంక్షలు. సంక్రాంతి క్రొత్త సంవతరంలో వచ్చే మొదటి పండగ, మన తెలుగు వాళ్ళందరికి చాలా పెద్ద పండగ మరియు ముఖ్యమైన పండగ. ఎందుకంటే మన చేలోని ధాన్యం కోత కొయ్యబడి రాసులు గా మన ఇంటికి చేరాక వచ్చే పండగ. అందుకే మన తెలుగు వారందరికి ఇది చాలా ముఖ్య పండగ. ఇది ఒక్క రోజు పండగ కాదు మూడు రోజుల పండగ.

ఈ పండగ మొదటిరోజు ఇంటిల్లిపాది తెల్లవారుజామునే లేచి భొగి మంటల ముందు కూర్చుని ఆ వెచ్చని మంటల వేడిని కాచుకుంటూ ఆ మంట మీద పరవాణ్ణం పెట్టి అది దేవుడికి నైవేధ్యం కింద సమర్పించి తరువాత దానిని ఆరగిస్తరు. తరువాత కమ్మని పిండి వంటలు చేసుకొని విందు ఆరగిస్తారు. సంక్రాంతి అంటే మనకు బాగా గుర్తు వచ్చేది కొత్త అళ్ళుళ్ళ రాకలు, బావా మరదళ్ళ సరదాలు మరియు ముఖ్యంగా చెప్పుకోవలసింది కొడి పందాలు.ఇక్కడ చెప్పుకోవలసినది ఇంకొకటి వుంది ముగ్గుల లోగిళ్ళు. ఆడవారు ఉదయాన్నే లేచి తలస్నానం చేసి ఇంటి ముందు వాకిలిని రకరకాల ముగ్గులతో, వాటి మధ్యలో చిన్న చిన్న గొబ్బెమ్మలతో అలంకరించేవారు.పల్లెటూళ్ళలో ఇతే పెద్ద పెద్ద ముగ్గులు పెట్టి వాటికి రకరకాల రంగులు వేసి వాటి మధ్యలో గొబ్బెమ్మలు పెట్టి అలంకరించేవారు. అది చూడటానికి చాలా ముచ్చటగా ఉండేది.

ఇక్కడ చెప్పుకోవలసినది ఇంకొకటి ఉంది అదే హరి దాసు మరియు గంగిరెద్దు. పండగ మొదటి రోజు ఉదయాన్నే హరిదాసు చిడతలతో రోజు మొదలవుతుంది. కాని ఇప్పుడు అవేమి కనబడడం లేదు కారణం గ్లోబలైజేసన్. దీని పుణ్యమా అని అందరూ పట్టణాలకి వలస రావడంవల్ల పల్లేటూళ్ళు ఖాళి ఇయిపొయి కనీసం పండగలకు కూడ మన సొంత గ్రామము వెళ్ళే తీరిక కూడ లేకుండా పొయింది. ఒక వేళ వెళ్ళాలనుకున్నా రకరకాల ఇబ్బందులు అందులో కొన్ని మచ్చుతునకలు :

1) టికెట్స్ ఏక్కువ ధరకి అమ్మడం.

2) కార్యాలయములో సెలవు దొరకకపొవడం.

3) ప్రణాలిక లేకపొవడం.

4) అన్నీ ఉన్నా వెళ్ళడం ఇష్టం లేక పొవడం.

కాని ఇప్పుడిప్పుడే మనలో మార్పు వస్తుంది సంక్రాంతి వచ్చిందంటే చాలా మంది ఈ కాంక్రీట్ జంగిల్ నుంచి, ఈ కాలుష్యం నుంచి బైట పడాలని చూస్తున్నారు. మన చిన్నప్పుడు సంక్రాంతి వచ్చిందంటే పండగే ఏందుకంటే ఆ పండుగకే భంధుగణమంతా కలిసేది. కాని ఇప్పుడు ఎవరు కలవడం లేదు ఎవరికి వారు ఉన్నత విద్యలని, ఉద్యోగాలని విదేశాలకు వెల్లిపోతున్నారు. వెళ్ళిన వారు రావడానికి కనీసం నాలుగైదు సంవత్సరములు పడుతుంది. ఇలా మనం జీవితంలో ఎదగడానికి పడే తాపత్రయంలో మనం ఏమి కోల్పోతున్నామో తెలియడం లేదు. ఇది మన ధౌర్భాగ్యం తప్ప ఇంకొకటి కాదు. ఇప్పుడు సంక్రాంతి వస్తుందంటే సెలవు కోసం చూస్తున్నాం అంతే!!!!!!

ఇక రెండవ రోజుకి వస్తే అదే అసలు పండగ పైగా పెద్ద పండగ దాన్నే మకర సంక్రాంతి అని అంటారు. ఆ రోజు ఉదయాన్నే లేచి స్నానము చేసి గుడికి వెళ్ళి ఏమైనా పిండి వంటలు చేసుకొని విందు ఆరగించి అలా సర్దాగా చేలలో తిరిగితిరిగి కోడి పందాల దగ్గరకి వెళ్ళి ఇంటికి వచ్చి ఆ అలసటకు నిద్రలోకి జారుకుంటారు.ఆ రోజు అంతా కోడి పందాలదే హవా.
ఇక మూడవ రోజు అదే చివరి రోజు దాన్నే కనుమ అంటారు.ఆ రోజు పెద్దగా విషయం లేకపొయినా హాడావిడి మాత్రం ఏ మాత్రం తగ్గదు. కాని చివరి రోజు కావడం వల్ల ఎవరికి వారు ప్రయాణానికి సిద్దం కావలసిందే. వచ్చేటప్పుడు ఏంత సంతోషంగా వస్తామో వెళ్ళేటప్పుడు అంత బాధగా వెళ్తాము.

మళ్ళా మొదలు ఉరుకులు పరుగుల నగర జీవనం.....